غايتو قوقل قال الليلة عيدميلاد مولانا تولستوي
لحدي هسي ما جاتني الشجاعة الكاملة اقرا حاجة لتولستوي.. ومع ذلك قريت كمية من المقالات لمحبي تولستوي من المعلمين الكبار التي تمتدح كتاباته واسلوبه ، ت.س. اليوت، كونديرا، سلمان رشدي، طارق علي، رواية اناقة القنفذ
كما احبوهو معلمين كبار... مفروض اقراهو بعد دا
المهم الفلم دا لسة قاعد في يوتيوب.. قبل فترة فتشتو سما ارض ما لقيتو
مها اختي ورتني ليهو الله يباركها
اسمو المحطة الاخيرة. بتأرخ للحظات الاخيرة في حياة تولستوي حيث مات في محطة قطار اثر محاولة للفرار من حبه العظيم- زوجته
حلو الفلم. بطولة كابتين غيورغ -اوكي اسمو الحقيقي كريستوفر بلمر (بطل فيلم صوت الموسيقى) في دور بارع ليهو، وبطولة الليدي هيلين ميرين (بطلة فيلم الملكة)- الاتنين رشحوا لجوايز اوسكار فيهو
للأسف ما مترجم للعربي
وشوفو سريع قبل ما ينسحب من النت
https://www.youtube.com/watch?v=bI9pQXP-II4
No comments:
Post a Comment